A TURINO

Stongo a Turino sule 'a tre semmane
e tengo genio 'e parlà napulitane.
Ccà a gente penza sulo a faticà
ie vulesse nu poco arriciatà.
A Napule o pedone è na perzona,
ccà o torinese manco se n'addona.
Nisciuno allucca pà via, nisciuno rire
ammuina, o votta-votta, nun'e vide.
E o puverielle, comme pare brutto
mmieze a sta gente spierzo,l'uocchie a lutto.
Hai voglia 'e cammenà,so' cose 'e pazze,
gira e gira, vide sempe 'sti palazze.
Nun ce vo' assai a capè che, dallo e dallo,
ccà Nicce (1) s'abbracciaie cu nu cavallo.
Sulo o ciummo va lento e a me me piace,
sulo guardanno a isso truove pace-
cà a Turino,per quanto grossa sia,
nun ce sta posto p'a filosofia.
So' civili, precisi, ch'aggia dì:
me so scucciate,però, me ne vogl'ì-

(1) Il filosofo tedesco Nietzsche dette i primi segni di pazzia a Torino.